Naal Joda Vachanashi

नाळ जोडा वाचनाशी | Naal Joda Vachanashi

पोस्ट अस्वीकरण

या साइटवरील साहित्याचे कॉपीराइट लेखकांसाठी राखीव आहेत आणि मराठीकट्टा केवळ साहित्य प्रकाशित करत आहे. जर तुम्हाला कोणत्याही साहित्याचे लेखक माहित असतील तर कृपया आम्हाला कळवा आणि संबंधित लेखकाला श्रेय देण्यास मराठीकट्टाला आनंद होईल.

Naal Joda Vachanashi

जगप्रसिद्ध लेखक शेक्सपिअर यांचा जन्मदिवस जागतिक पुस्तक दिन म्हणून साजरा केला जातो. शेक्सपिअर यांचा जन्म (23 एप्रिल 1564 ) व योगायोगाने मृत्यूदिनही तीच तारीख (23 एप्रिल 1616).जन्मगाव व मृत्यूगावही एकच.जन्म मृत्यूची तारीख व जन्म मृत्यूचं ग्राम एकच असा योग शेक्सपिअरच्या बाबतीत घडून आला.शेक्सपिअरच्या शरीरधर्माला भूतलावर अवघं पन्नाशीचं आयुष्यमान लाभलं पण लेखनानं निर्माण केलेलं कीर्तीमान अमर ठरलं आहे.

लेखन क्षेत्रात सर्वोच्च कीर्ती(प्रसिद्धी) व सर्वोच्च श्रीमंती (आर्थिक सुबत्ता) लाभलेला बहुधा हा एकमेव माणूस.38 नाटकं व 154 कविता ही त्यांची लेखन संपदा.38 नाटकांपैकी 10 नाटके ऐतिहासिक ,16 नाटके सुखात्मक व 12 नाटकं शोकात्मक.शेक्सपिअरच्या साहित्य संपदेचं वैशिष्ट्य म्हणजे जगात ज्ञात असलेल्या सर्वच भाषांत त्यांची पुस्तके अनुवादित झालेली आहेत.अनेक भाषेत चित्रपट व नाटके रंगभूमीवर सादर झालेली आहेत.

रोमिओ आणि ज्यूलिएट ही तर अजरामर प्रेमकहानी .आजही प्रेमाचं वारं पिऊन भरार भरारी स्वप्न रंगवणा-या तरुण तरूणीला लोकं रोमिओ-ज्यूलिएट असं म्हणतात.कोवळ्या वयात रंगवलेले प्रेमाचे कथानक व दुर्दैवी अंत हे या नाटकाचे सूत्र लोकांना इतकं भावलं की चारशे वर्षानंतरही तीच भावना जगाच्या पाठीवर मानवी भेदाच्या सर्व पाय-या ओलांडून मनामनात कायम आहे.अन् त्याचं अमरत्व इतकं अबाधित आहे की ,सृष्टीवर मानवी अंश असेपर्यंत प्रेमातला संघर्ष व त्यातली ओढ रोमिओ-ज्यूलिएटनेच अधोरेखित होणार आहे.

हॕम्लेट ,किंग लिअर,मॕक्बेथ,आॕथेल्लो ही नाटकेही अशीच मानवी जीवनातील कटकारस्थाने,घातपात,विश्वासघात, प्रेम व सत्य अशा मूल्यांतील पराकोटीचा संघर्ष पेरणारी.जगावं की मरावं ? That is the question. हा प्रश्न सातासमुद्रापल्याडच्या सर्वच रंगभूमीवर शेक्सपिअरने नेला.याला म्हणतात प्रतिभेचं अमरत्व.

वाचनाशी माणसाची मैत्री असावी.मोठ्या रस्त्याने दुतर्फा लावलेली झाडे ,पांथास जशी सावली देतात व सुखाच्या प्रवासात सोबतीने भागीदारी करतात तसं मानवी जीवनप्रवासात पुस्तके ही जीवनप्रवास समृद्ध करतात.सर्जनशीलतेचा महामार्ग पुस्तकांच्या पानापानांतूनच जातो.आपल्या मराठी भाषेतही विपूल साहित्यसंपदा उपलब्ध आहे.

वि.स.खांडेकर,प्र.के.अत्रे,व.पु.काळे,पु.ल.देशपांडे,शांता शेळके,लोकशाहीर आण्णाभाऊ साठे,कुसुमाग्रज ,करंदीकर ,शंकरराव खरात,गंगाधर पानतावणे दया पवार,नरेंद्र जाधव,शरणकुमार लिंबाळे अशी ही मांदियाळी प्रचंड मोठी आहे.फिल्मी दुनियेत जसं नटनट्यांचा स्वतंत्र चाहता वर्ग असतो तसा साहित्यातही वपु,पुल,विस,शिवाजी सावंत,विश्वास पाटील इत्यादी लेखकांचा चाहता वर्ग आहे.फिल्मी दुनियेत जसं अमिर खानसारखा एखादा अभिनेता ठराविक कालानंतर एखादी भूमिका साकारतो तसं मराठी साहित्यातही भालचंद्र नेमाडेसारखा लेखक भाराभर लिहिण्यापेक्षा चोखंदळ साहित्यकृती जन्माला घालतो.

उपलब्ध साहित्य संपदा अमर्याद आहे ,आपलं आयुष्य मर्यादित आहे.रोजच्या जगण्याच्या चाकोरीमुळे त्याला अजून मर्यादा येते त्यामुळे उपलब्ध असलेला कमाल वेळ वाचनाला दिला तरी आपण पुस्तकाच्या गंगाजळातलं घोटभरच पाणी पिऊ शकू. हातातून निसटून गेलेल्या दिवसांची भ्रांत न करता हातात असलेल्या दिवसातला वेळ वाचनास द्यावयास हवा.


जागतिक पुस्तक दिनाच्या सर्वांना हार्दिक शुभेच्छा .

©कचरू चांभारे

नाळ जोडा वाचनाशी – Naal Joda Vachanashi हा लेख अवडला असल्यास शेअर करा.

नाळ जोडा वाचनाशी – Naal Joda Vachanashi – आपले विचार कमेंट बॉक्स मधे टाका.

Share नाळ जोडा वाचनाशी – Naal Joda Vachanashi

You may also like

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.